Електроенргетика
Инспекција на електроенергетски постројки и уреди, опрема која работи во потенцијално експлозивна средина.
Што е технички преглед на електроенергетски постројки и опрема ?
Технички преглед на електроенергетски постројки и опрема е систематско изведување на активности кои опфаќаат проверка на проектот, проверка на влезната и излезната документација, проверка на сите испитувања потребни за докажување на безбедноста на техничката опрема како и директна специфична визуелна контрола на електроенергетските постројки и нивните одделни составни делови
Што е периодично испитување на електроенергетски постројки, електрични производи и уреди и опрема ?
Секое испитување потребно за докажување на безбедноста на техничка опрема согласно стандардите и техничките спецификации според кои истата е произведена.
Што е Корисник на електроенергетски постројки или на електрични производи и уреди ?
Физичко или правно лице со седиште во Република Македонија коe е сопственик на електроенергетски постројки или зема под наем електроенергетски постројки или електрични производи и уреди за вршење на сопствена дејност или се јавува како работодавач со електроенергетски постројки или електрични производи и уреди .
Што е независно правно лице за технички преглед и периодични испитувања на електроенергетски постројки, електрични производи и уреди и електрична опрема ?
Правно лице за технички преглед и периодични испитувања на електроенергетски постројки, електрични производи и уреди и електрична опрема е правно лице кое своите работи ги врши независно и непристрасно во однос на заинтересираните страни и има решение од министерот за економија за исполнетост на условите за вршење на технички прегледи и периодични испитувања.
За која техничка опрема се применува Правилник за користење на електроенергетски постројки и електрична опрема ?
Постројки и нивните составни делови за производство, трансформација, пренос, дистрибуција и мерење на електрична енергија, за номинален напон од 380 V или повисок, со моќност поголема од 1000 W, како и засебни електрични уреди и производи за производство на електрична енергија, за номинален напон од 380 V со моќност поголема од 1000 W.
Дали за нисконапонски електроенергетските постројки, електричните производи и уреди, за номинален напон од 380 V со моќност поголема од 1000 W, потребно е да се спроведе постапка за прво пуштање во употреба?
Да
Кој ги спроведува периодичните прегледите и испитувања на нисконапонски електроенергетските постројки, електричните производи и уреди ?
Корисникот,кој прави избор и склучува договор со независно правно лице затехнички преглед и периодични испитувања (кое има решение од Министерот за економија за вршење на прегледи и периодични испитувања) и кое ќе му достави/ издаде Технички извештај
Кое е значењето на изразите „Експлозивни атмосфери“ и „Потенцијално експлозивна атмосфера“ кои се употребени во Правилник за користење на опрема и заштитни системи кои се наменети за употреба потенцијално експлозивни атмосфери?
„Експлозивни атмосфери“ се смеша од воздухпри атмосферски услови и запаливи супстанци во облик на гас, испарувања, измаглици или прашина во која при запалување, согорувањето ќе се рашири на целокупната незапалена смеса; а „Потенцијално експлозивна атмосфера“ е атмосфера која може да стане експлозивна при локални иоперативни услови
Што е Независно правно лице за технички преглед и периодични испитувања на на опрема и заштитни системи кои се наменети за употреба во потенцијално експлозивни атмосфери?
Независното правно лице за вршење на техничкипреглед и периодични испитувања на опрема и заштитните системи наменети за употреба во потенцијалноексплозивни атмосферие правно лице кое своите работи ги врши независно и непристрасно во однос на заинтересираните страни и има решение од министерот за економија за исполнетост на условите за вршење на технички прегледи и периодични испитувања на опрема и заштитните системи наменети за употреба во потенцијалноексплозивни атмосфери?
На кој вид на техничка опрема се применуваат одредбите од Правилник за користење на опрема и заштитни системи кои се наменети за употреба потенцијално експлозивни атмосфери?
Одредбите од овој правилник се применуваат на:
- енергетски и инструментациски електрични уреди наменети за употреба во експлозивни атмосфери
- неелектрични уреди и опрема наменети за употреба во експлозивни атмосфери
- електрични инсталации на енергетика и инструментација наменети за употреба во експлозивни атмосфери
- неелектрични инсталации наменети за употребаво експлозивни атмосфери
Одредбите на овој правилник се применуваат и наупотребата на безбедносните уреди, уредите за управување на контролните уреди, наменети за користење надвор од потенцијално експлозивната атмосфера, или се употребуваат за безбедна работа на опремата и заштитните системи кои претставуваат ризик за експлозија
Што опфаќа или поточно од што се состои Техничкиот преглед и испитувањата пред ставање во употреба и кој го извршува?
Техничкиот преглед и испитувањата пред ставање во употреба го извршува независно правно лице и се со стои од:
- проверка на проектната и другата документацијаво однос на барањата за безбедност при употребата на опремата и заштитните системи кои се наменети заупотреба во експлозивни атмосфери
- преглед на исполнувањето на одредбите за монтажа, погонување, употреба и управување на опремата и заштитните системи кои се наменети за употреба воексплозивни атмосфери заедно со соодветните функционални и работни испитувања предвидени од производителот, односно проектантот и
- усогласеност на уредите за заштита со одредбитево проектната документација и техничката документација за ракување со опремата издадена од производителот
Со кој вид на документација е придружена техничката опрема?
Секоја техничка опрема треба да биде придружена со следната документација:
- техничка документација согласно Член 21 од овој Правилник
- упатство за употреба, упатства за одржување и сервисирање, упатство за периодични прегледи и упатство за спасувачки операции, кои ги издава производителот